O porco.es(estaba) na corte almorzando.com

a pouca cea que lle quedara @ noite.

Non sabía que era o último día.

O carniceiro.es baleirou os seus útiles

de asesino ao chan. Nin sutileza para limpalos.

www.porco morto. Retransmitido por html.

Http//. o sangue foi recollido pola

vella.usc para facer as riquísimas

filloas.

Os nenos.edu da familia queimaban

as unllas do porco, a modo

de aprendizaxe dos maiores.

O avó no portal enviou

unha mensaxe para que lle

trouxeran aquel coitelo tradicional

para axudarse no baleirado dos órganos.

O correo (electrónico) foi recibido polo buzón (de voz)

da súa neta predilecta e arquivado pola nai que preparaba

o porco ao que lle ía creando unha carpeta.

A avoa comezou a lavar as tripas.

Arquivo en branco.

Unha nova páxina web abriuse

era a hora das fotos (escaneadas).

Incharon os pulmóns para darlle

documento histórico ao asunto.

Mesmo este ano houbo vídeo co CD Rom.

Inicia Entra Sae.

Oh! un virus inseriuse no porco.

Había que tiralo ao lixo ou reciclalo.

Odía quedou rexistrado no Microsoft Word.

Abriuse unha ventá e deseguido oíuse un berro

PODES APAGAR O EQUIPO

ALBA PAYO FROIZ nos encontros culturais no rural da V forxa
literaria