O Domingo día 15, nunha intensa xornada de actividades, a Solaina de Piloño volveu a vestir o millor traxe de gala. Pola mañán o Obradoiro Literario seguiu o seu curso normal. María, Lucía, Lorena, Miguel, Mario, Antonio e Orlando apuraban e pulían os seus traballos cara o recital e conclusión das xornadas.

E namentras os poetas axustaban musas, outros dous artistas ultimaban detalles para o convite da tarde.
Carmen Lareo na Forxa do Ferreiro,co amoado das filloas que ela mesma preparou para unha colosal demostración de "arte na pedra" por parte de Xosé Molina.

Lorena Souto non quixo perder a oportunidade de iniciarse coas filloas á pedra, recibindo unha maxistral clase do gran mestre e Decano da Facultade da Filloa de Merza, Xosé Molina.

A primeira hora da tarde foron achegándose a Piloño os amigos da Solaina, demostrando un ano máis o seu compromiso coa Fundación e coa cultura galega. Na foto, Sechu Sende, Óscar Sánchez e Raúl Gómez...

Xosé Vázquez Pintor na foto con Estívaliz Espinosa, que ten no colo ese neno que lle gusta máis que outros, feito de amor, música e palabras..